Забеспячэнне мер па абароне персанальных даных: "галаўны боль" ці алгарытм, зразумелы кожнаму?

18 лістапада прадстаўнікі Borovtsov Salei прынялі ўдзел у спецыялізаванай канферэнцыі «Прафесійны альянс ветэрынарыі 2025».

У рамках блока "Прававая браня: як супрацьстаяць выклікам у прававым полі" з экспертным дакладам на тэму «Забеспячэнне мер па абароне персанальных даных: "галаўны боль" або алгарытм, зразумелы кожнаму?» выступіла дацэнт Алена Салей, саветнiк Borovtsov & Salei.

Як працаваць у прававым полі і знізіць рызыкі правапарушэнняў?

На прыкладах канкрэтных практычных кейсаў сканцэнтравана ўвага на ключавых пытаннях, з якімі сутыкаюцца ветэрынарныя клінікі пры апрацоўцы персанальных даных пры аказанні ветэрынарных паслуг. Разгледжаны такія пытанні як:

 Навошта наладжваць працу з персанальнымі данымі? Ці ёсць асаблівасці ў адносінах па апрацоўцы персанальных даных пры аказанні ветэрынарных паслуг? Даныя аб пацыенце ветклінікі – персанальныя даныя?

 З чаго пачаць? З адзнакі экстэр'ера. Сайт як візітная картка клінікі.

 Што ўжо зроблена і як гэта суадносіцца з прадугледжанымі заканадаўствам абавязковымі мерамі па забеспячэнні абароны персанальных даных? Што трэба зрабіць?

 На што звярнуць увагу, каб не дапусціць тыповых памылак пры атрыманні згод на апрацоўку персанальных даных?

 5 пунктаў выніковых рэкамендацый – практычны чэк-ліст для кіраўніка па зніжэнні рызык парушэння заканадаўства.

________________________________________

Borovtsov & Salei мае значны вопыт у галіне камерцыйнай практыкі і суправаджэння праектаў, звязаных з апрацоўкай і абаронай персанальных даных.

Мы гатовы дапамагчы ветэрынарным клінікам выбудаваць эфектыўную і бяспечную сістэму работы з персанальнымі данымі ў адпаведнасці з патрабаваннямі заканадаўства Рэспублікі Беларусь.